|
ALEGACIÓNS Á PROPOSTA DE ACORDO DE XORNADA, RETRIBUCIÓNS E CONDICIÓNS DE TRABALLO DOS MÉDICOS DE URXENCIAS HOSPITALARIAS DO SERGAS
ALEGACIÓNS Á PROPOSTA DE ACORDO DE XORNADA, RETRIBUCIÓNS E CONDICIÓNS DE TRABALLO DOS MÉDICOS DE URXENCIAS HOSPITALARIAS DO SERGAS
Desenvolvemento Decreto 290/2001 do 31 de outubro
Con data 14 de decembro de 2005 constituíuse o grupo de traballo sobre condicións de traballo do persoal estatutario facultativo de urxencias hospitalarias, en cumprimento da encomenda realizada pola Mesa sectorial para avanzar un marco homoxéneo básico de condicións de traballo en tódalas institucións do Servizo Galego de Saúde, sen prexuízo da programación que corresponde aos órganos directivos das mesmas e das facultades dos respectivos órganos de representación dos traballadores.
Tras unha valoración global da problemática, e da constatación de condicións de traballo diversas neste colectivo, na reunión mantida o día 31 de marzo de 2006 acádanse as seguintes bases de acordo en canto a principios e liñas de actuación:
1. A actividade asistencial en urxencias é ordinaria e continuada ao longo de todo o día e todo o ano e require a presenza activa do persoal. Por esa razón tanto a xornada como as retribucións terán en conta ditas especificidades.
2. Sen prexuízo dos horarios que cada centro poda determinar, haberá unha xornada ordinaria en termos de horas/ano en función de que dita prestación sexa en quendas nocturna. Para estes efectos a incidencia do período nocturno na prestación de servizos anual terá especial relevancia.
3. Adecuaranse as retribucións complementarias para axustalas tanto á xornada realizada como ás especificidades da urxencia hospitalaria, coa análise das condicións particulares da prestación que deben ter incidencia en ditas retribucións complementarias, a realización do traballo en quendas, e no período nocturno.
Con esta adecuación retributiva debería ter carácter excepcional a aplicación de conceptos retributivos por exceso de xornada que tamén se prevén pero que teñen un concepto distinto á gardas tendo en conta a natureza activa da prestación en urxencias durante o período tradicional de garda.
4. En materia de vinculacións temporais, a selección de aspirantes será mediante convocatorias regradas que fomenten a participación dos aspirantes coa valoración de servizos noutros baremos de acceso a postos de persoal facultativo. As modalidades de vinculación temporal se realizarán adecuadas á causa e sobre estas novas condicións coa procura de fomentar a opción dos aspirantes pola prestación da urxencia hospitalaria.
Especial relevancia na valoración de servicios prestados en postos relacionados coa atención á urxencia e a existencia de formación específica en urxencias e emerxencias
5. Con base nas características propias desta actividade profesional, constátase a necesidade de deseñar un itinerario profesional para os profesionais da urxencia hospitalaria, ben mediante postos de traballo con características de prestación e horario determinadas nos servizos ou ben coa participación noutras áreas de actividade compatibles coa titulación de acceso ao posto de urxencias.
Analizada a proposta dos membros do grupo de traballo e valorada positivamente se propón o seguinte acordo:
PROPOSTA DE ACORDO SOBRE RÉXIME DE XORNADA, RETRIBUCIÓNS ECONDICIÓNS DE TRABALLO DOS MÉDICOS DE URXENCIAS HOSPITALARIAS DO SERGAS
O presente acordo ten por obxecto regular a xornada e retribucions de determinadas condicións de traballo do persoal da categoría de médico de urxencias hospitalaria das institucións sanitarias do SERGAS.
Xustificación: adaptar o ámbito subxectivo do acordo á categoría a que corresponde.
2º. Xornada de traballo:
Con carácter xeral, a xornada a realizar polo persoal médico de urxencias hospitalarias será ordinaria e complementaria, nos termos da Lei 55/2003, estatuto marco dos servizos de saúde .
A xornada ordinaria dos médicos de urxencias hospitalarias será a establecida con carácter xeral para o resto do persoal facultativo de atención especializada do SERGAS.
Xustificación: dar por reproducido o artículo 4 do Decreto 290/2001
A ordinaria será a realizada coa distribución horaria que se determine en función da programación funcional do centro que se recollerá nunha carteleira anual de traballo. Será obxecto de información á xunta de persoal con anterioridade a súa efectividade.
A xornada ordinaria será a realizada coa distribución horaria que se determine en función da programación funcional do centro, que se recollerá nunha carteleira semestral de traballo. Será obxecto… Dita carteleira contemplara quendas de mañá (de 8 a 15 horas), tarde (de 15 a 22 horas) e noite (de 22 a 8 horas do día seguinte).
Xustificación: equiparar a duración máxima da xornada ordinaria en cómputo diario a que teñen o resto de facultativos (7 horas), dacordo co artículo 4 do Decreto 290/2001.
A xornada realizada en dito horario será a quendas de 1430 horas anuais, comprendendo un mínimo de un terzo da xornada anterior en horario de noite.
A xornada ordinaria en dito horario será dun máximo de 1.430 horas anuais, 715 horas por semestre natural, comprendendo un tercio da xornada en quenda de noite.
Xustificación: o cómputo da duración máxima da xornada faise por semestres naturais, dacordo co artículo 48.2 do Estatuto Marco.
Se exceptúa da regra xeral anterior: O programa funcional determinará o posto/s de traballo nun servizo ou unidade de urxencias que non teña actividade no horario nocturno. Neste suposto a xornada anual ordinaria será de 1624 horas efectivas, coa distribución que se determine pola dirección do centro.
Como excepción a regra xeral anterior, aqueles médicos que teñan recoñecida a exención de gardas por razóns de idade ou saúde non farán quendas de noite, representando a súa xornada de tarde como máximo un tercio da xornada total, salvo que por dereitos adquiridos ou por razóns de saúde a súa xornada teña que ser exclusiva o predominantemente en horario de mañá. Nesta excepción a xornada anual máxima será de 1624 horas, 812 por semestre natural. A partires dos 50 anos os facultativos poderán acollerse a iste réximen horario.
Xustificación: a proposta non ten presente a situación herdada daqueles facultativos que por aplicación da normativa de exención de guardias para maiores de 55 anos o por razons de saúde xa teñen unha situación consolidada que os fai prestar únicamente actividade en xornada de mañá. De calquera xeito, considerase preciso rebaixar a idade máxima de 55 anos establecida para o resto de facultativos, dado o tipo de traballo (a turnos e nocturno) e a natureza activa da prestación en urxencias.
Sen prexuízo de que as carteleiras se deseñen tendo en conta esta xornada anual efectiva ao longo do ano natural, dada a indispoñibilidade actual de médicos de urxencia e a necesidade de cubrir este área asistencial de indudable trascendencia para a poboación, deséñase un modelo retributivo que contempla un complemento de urxencia dedicado a retribuír a dispoñibilidade deste persoal para ampliar a xornada ata o límite máximo previsto nas normas en promedio de 48 horas semanais en cómputo semestral. Esta cobertura que motive a ampliación de xornada terá que ser distribuída equitativamente entre os profesionais da unidade en termos de horas e será retribuída co complemento de atención continuada ata as 48 horas e como hora especial cando esta se supere.
Sen prexuizo de que as carteleiras se deseñen tendo en conta esta xornada anual efectiva ao longo do ano natural, dada a indispoñibilidade actual de médicos de urxencia e a necesidade de cubrir esta área asistencial de indudable transcendencia para a poboación, deséñase un modelo retributivo que contempla un complemento de urxencia dedicado a retribuir a dispoñíbilidade deste persoal para ampliar a xornada ata o límite máximo previsto nas normas en promedio de 40 horas semanais en cómputo semestral. Este complemento aplicarase a cada módulo de 150 horas/ano por enrriba da xornada ordinaria. Esta cobertura que motive a ampliación de xornada terá que ser distribuida equitativamente entre os profesionais da unidade en termos de horas e será retribuída co complemento de atención continuada ata as 40 horas e como hora especial cando esta se supere.
Xustificación: considerase necesario rebaixar a xornada máxima de 48 horas a 40 polas mismas circunstancias de traballo a que se ven sometidos quenes vense obligados a facer mais de un tercio da sua xornada de traballo en horario nocturno, garantindo de esa forma un nivel de protección da súa seguridade e saude laboral acorde cos riscos os que están sometidos, ademais hai que ter en conta a natureza activa da prestación en urxencias.
Poderá superarse a xornada de 48 horas anterior individualmente e co consentimento do profesional.
Poderá superarse a xornada de 40 horas anterior individualmente e co consentimento do profesional.
Xustificación: a mesma anterior.
3º. Retribucións:
A. As retribucións básicas e complementarias: serán as correspondentes a un facultativo especialista de área.
B. Complementarias propias vinculadas á realización de xornada a quendas, nocturnidade e domingos e festivos:
Complementarias propias vinculadas á Categoría de Médico de Urxencias Hospitalarias:
I. Complemento por turnicidade: devengarase cando un terzo da xornada ordinaria se realice a quendas de mañá, tarde e noite, incluíndo nesta última 47 noites.
Complemento por turnicidade. Devengarase cando un tercio da xornada ordinaria se realice a quendas de tarde ou noite.
II. Complemento por nocturnidade: Cando se realicen anualmente 47 noites de mínimo 10 horas noite.
Complemento por nocturnidade. Cando se realice anualmente 47 quendas de noite.
III. Complemento por festividade: Cando a actividade recae en domingo/festivo nun horario mínimo de diario de 7 horas.
Complemento por festividade. Cando a actividade recae en domingo/festivo nun horario mínimo de 7 horas.
IV. Complemento de xornada: retribúe a hora de xornada complementaria por encima da ordinaria.
Complemento de xornada. Retribue a hora de xornada complementaria por encima da xornada ordinaria máxima semestral de 715 horas ou 812 horas.
V. Complemento de atención urxente: de carácter fixo e periódico e retribúe a obriga de extensión da xornada ata o máximo legal.
Complemento de atención urxente. De carácter fixo e periódico e retribúe a obriga de extensión da xornada ata un máximo de 40 horas. Aplicarase a cada módulo de 150 horas/ano por enrriba da xornada ordinaria.
As contías das retribucións :
Categoría: Médico de urxencias hospitalarias
SF-A-16 ............................................................................................... 41.382,26€
Complementos ligados a atención continuada e permanente:
Complemento de turnicidade:70,70h/mes(12meses)................................ 848,40€
Nocturnidade ....................................................................................... 4,03€/h
Horas festivo ....................................................................................... 9,59€/ h
Xornada complementaria....................................................................... 16€/h
Xornada complementaria....................................................................... 25,5€/h
Xustificación: A única diferencia entre hora complementaria e hora especial debe basearse exclusivamente na voluntariedade, o traballo é o mesmo.
Complemento de atención urxente: de carácter fixo e periódico:............... 154,61€/mes
Aplicable a cada módulo de 150 horas/ano por enrriba da xornada ordinaria
Horas xornada especial: valor hora xornada ordinaria ............................. 25,5€/h
Os permisos que teñan repercusión na xornada equivaldrán a 7 horas ou parte proporcional correspondente en función do horario.
Os permisos por interés particular que teñan repercusión na xornada equivaldrán a 7 horas ou parte proporcional correspondente en función do horario. O resto de permisos e licencias equivaldrán cada día a un día de traballo con independencia da programación.
4º. Condicións de traballo:
a. Programación funcional
A programación funcional da unidade será negociada co persoal médico de urxencias e procurará o acordo no seu deseño. De non haber acordo a dirección realizará a programación anual mediante resolución da dirección competente que a aprobe.
Nesa programación se conterá como mínimo a carteira de servizos, a determinación de postos de traballo e as características dos mesmos. O horario e a carteleira anual de presenzas e rotación. Tamén se conterán formas regradas de actuación ante indispoñibilidade de persoal para a cobertura excepcional de quendas de traballo, vacacións e horarios de reunión de traballo conxunta con todos os membros da unidade.
b. Proxectos compartidos con outras unidades
Se poderán realizar proxectos de xestión asistenciais ou de actualización formativa conxuntos ou compartidos con profesionais doutras unidades do propio centro ou unidades noutro centros do SERGAS, coa aprobación e impulso da dirección ou direccións implicadas, os proxectos permitirán a prestación de servizos temporais dos médicos de urxencias noutras unidades coa finalidade prevista en ditos proxectos.
c. Actualización de coñecementos e participación na investigación e docencia
No prazo máximo de un ano os servizos de urxencias propoñerán ante a dirección un proxecto de avaliación de competencias e actividades para ser realizada a avaliación cada tres anos. Para a súa eficacia terá que ser aprobado pola dirección médica do centro.
A dirección do centro, en función das súas características, determinará as condicións de realización de sesións clínicas, en horario compatible para as distintas quendas de traballo, formación para actualización e mecanismos de participación na investigación e docencia.
d. Acceso a carreira profesional
A comisión de seguimento deste acordo realizará unha proposta de criterios de baremación para o acceso a carreira profesional nos termos da LOPS.
5º. Sistemas de selección
A comisión de seguimento do acordo propoñerá a dirección do SERGAS os sistemas selectivos axeitados para a vinculación fixa e temporal deste persoal que teña en conta a especificidade do traballo e a valoración de servizos noutros postos ou categorías da mesma titulación de acceso no SERGAS. Procuraranse sistemas de baremación e selección que fagan atractiva a vinculación aos postos de traballo nas unidades e que redunden na mellora da calidade asistencial.
Terán especial consideración na baremación a formación específica en urxencias e emerxencias así como os servicios prestados en postos relacionados coa asistencia urxente.
Realizaranse convocatorias de provisión de prazas na Categoría de Médicos de Urxencia Hospitalaria con caracter anual ou bianual ata o adecuado dimensionamento dos Servicios de Urxencias da rede de Hospitais do SERGAS.
6º. Comisión de seguimento do acordo
De conformación paritaria entre membros designados pola administración sanitaria e os sindicatos asinantes. Velarán polo cumprimento do acordo nos centros e o tratamento homoxéneo aos profesionais da xornada, retribucións e condicións de traballo.
7º. Disposicións finais
Entrada en vigor: O presente acordo terá efectividade ao día seguinte da súa publicación no DOG.
| 
