3 de Junio, 2008, 14:06

URXENCIAS SANITARIAS DE GALICIA-061 ENSINARÁ TÉCNICAS BÁSICAS DE REANIMACIÓN CARDIOPULMONAR A 450 ESCOLARES ESTE XOVES NA PRAZA DA QUINTANA A directora do 061-Galicia participará cunha conferencia sobre a ensinanza das técnicas de soporte vital básico a escolares e a súa experiencia formativa no marco do II Congreso Español de Reanimación Cardiopulmonar Pediátrica Santiago de Compostela, martes 3 de xuño de 2008.- A compostelá Praza da Quintana convertirase o vindeiro xoves as 12,30 da mañá nunha xigantesca aula na que persoal de Urxencias Sanitarias – 061 de Galicia ensinará técnicas básicas de reanimación cardiopulmonar a uns 450 escolares e toda Galicia. Esta demostración práctica e un relatorio da directora do 061-Galicia, María Cegarra García, centran a participación deste organismo dependente da Consellería de Sanidade no II Congreso Español de Reanimación Cardiopulmonar Pediátrica que terá lugar mañá e pasado en Santiago. O do vindeiro xoves será o primeiro adestramento masivo de escolares que se realizará en Galicia. Os 450 alumnos e alumnas de entre 13 e 16 anos de Santiago de Compostela recibirán unha clase de formación práctica sobre as técnicas de reanimación cardiopulmonar básica impartida por técnicos e especialistas do Centro de Formación do 061 de Galicia.   Esta iniciativa, presentada esta mañá en rolda de prensa, pretende concienciar á poboación en xeral da importancia de coñecer estas técnicas vitais para poder empregalas no caso de atoparse ante unha situación de emerxencia. Os estudos amosan que a posta en práctica destas manobras básicas de soporte vital básico nos primeiros minutos dunha parada cardiorrespiratoria aumentan considerablemente as posibilidades de sobrevivir do afectado. Tamén esta semana levarase a cabo unha demostración de simulación medica avanzada para pediatras na que estes especialistas comprobarán o uso dos simuladores integrales de paciente co fin de incrementar os seus coñecementos e afianzar a seguridade da ou do paciente mediante a practica previa a introdución clínica nos simuladores. Esta demostración terá lugar o mércores ás 16 horas. A directora do 061 de Galicia, María Cegarra García, pechará os relatorios deste Congreso cunha intervención sobre a experiencia da ensinanza de manobras de reanimación cardiopulmonar entre os escolares de Galicia. O 061 leva tres anos formando ao alumando e profesorado galego mediante o programa Alerta Escolar para difundir estas manobras, convencidos de que a formación dos máis novos permitirá unha maior preparación e concienciación no futuro de toda a sociedade SAÚDOS, GABINETE DE COMUNICACIÓN DO 061 DE GALICIA

~ Comentar | Referencias (0)

Tu nombre:
Email:
URL:
Comentario: (te quedan hasta 1000 caracteres)